ذکرِ سرکار میں لب، دل میں ہے طوفانِ عرب

ذکرِ سرکار میں لب، دل میں ہے طوفانِ عرب
عشق کہتا ہے یہی جان بھی قربانِ عرب

عشق کے دشت میں مہتاب درخشانِ عرب
دل کی ویران فضا میں ہے چراغانِ عرب

سایۂ طور تلے بیٹھ کے کہتا ہے فلک
باغِ ایماں کا گلِ تازہ ہے ریحانِ عرب

زخم کھا کر بھی لبوں پر ہو دعائیں جس کی
ہے وہی صبر کا انمول نگہبانِ عرب

جس کے گفتار سے بیدار ہو ویرانِ ضمیر
خلقِ قرآں کی زباں حلم کی پہچانِ عرب

سنگ صحراؤں میں بھی جس کا تبسم ہو چراغ
ہے وہی شعلہ نوا، نکہتِ عرفانِ عرب

میرے افکار کی پرواز کہاں تک پہنچے
تو مہِ وقت شہا حسنِ گلستانِ عرب

اے ثمر زادۂ توحید ترا فیض عجب
جامِ عرفاں میں ڈھلے جس سے خمارانِ عرب

جب سے تمدیحِ محمد میں قلم اترا ہے
رنگ قرطاس پہ بکھرا ہے غزل خوانِ عرب

کوئی اندزِ سخن چھو نہ سکا بزمِ ہنر
ہے جدا طرزِ نبی، لطفِ بیاں، شانِ عرب

یاد آتی ہے وہ ساعت، وہ تجلی، وہ ندا
جب ہوا کو بھی ملا درسِ نسیمانِ عرب

عرش کے طاق پہ اتری ہے وہی مہرِ مبیں
جس کی عظمت کوجھکی شام وشبستانِ عرب

تو ہے تسکینِ دل و جاں تو ہے آرامِ نظر
تیرے در پر ہی جھکے عقل کا میزانِ عرب

خاکِ طیبہ کو بنا لوں جو کفن وقتِ سفر
کیا ہی بہتر ہو یہی آخری ارمانِ عرب

تو ہی سرکار، تو ہی فخرِ رسالت آقا
تیری مدحت سے نکھرتا ہے سخنِ دانِ عرب

عشقِ سرکارؐ میں چشؔتی کا قلم بول اٹھا
ورنہ حرفوں میں کہاں وسعت و امکانِ عرب