شیشے میں کبھی خود کو سنورتے نہیں دیکھا

شیشے میں کبھی خود کو سنورتے نہیں دیکھا
ہونٹوں کو طبیعت سے بھی ہنستے نہیں دیکھا

جس طرح کہ انسان اڑا کرتے سرِ عرش
پنچھی کو بھی اس حال میں اڑتے نہیں دیکھا

ملنے گیا تو چشمِ بصیرت چلی گئی
ہجرت کی رات اس کو بچھڑتے نہیں دیکھا

اک بوریے پہ رات گزاری ہے عمر بھر
مخمخل میں اک غریب کو سوتے نہیں دیکھا

تجسیم سے جس طرح کہ جھڑتے ہیں مرے بال
اشجار سے پتوں کو بھی جھڑتے نہیں دیکھا

یہ کیسا میکدہ ہے کہ رندوں کو آج تک
ساقی کے پاس سے کبھی آتے نہیں دیکھا

ہر خواب کی تعبیر مکمل نہیں ہوتی
ہر خواب کو آنکھوں میں اترتے نہیں دیکھا

ہر چیز کا ہے وقت، وہ ہو کر ہی رہے گی
موسم سے پہلے پھول کو کھلتے نہیں دیکھا

دیکھو غریبِ شہر نے بچے پڑھا دیے
لیکن امیر زادے کو پڑھتے نہیں دیکھا

چشتی! وہ لوگ جن کو خدا پر یقیں نہیں
سائے کو اپنے ساتھ بھی چلتے نہیں دیکھا