شبِ دیجور کی اک آہ سے بیدار ہوا
شبِ دیجور کی اک آہ سے بیدار ہوا
پھر ترے عشق کے جنجال گرفتار ہوا
رات کے آخری لمحے میں تجھے یاد کیا
صبح ہوتے ہی ترے چہرے کا دیدار ہوا
جب تری یاد شبِ تار سرہانے آئی
لفظ پھر آتے گئے شعر بھی تیار ہوا
میں ہوں گفتار کے غازی میں ہی گونگا ٹھرا
نقل در نقل سے وہ ماہرِ گفتار ہوا
روزِ محشر کہ مرا نامۂ اعمال کھلا
بارِ عصیاں سے مرا جسم گراں بار ہوا
راہ چلتے ہی نظر بارِ دگر اس کی طرف
دفعتاً اٹھنے لگی پھر سے گنہ گار ہوا
بس زلیخا ہی نہیں عشق میں گرویدہ ہوئی
حسنِ یوسف کا اثر مصر کا بازار ہوا
حاصلِ عشق سے دشوار کوئی کھیل نہیں
جاں لٹا کر کے کہیں یار خریدار ہوا
محفلِ رند سجی جلوہ نما ساقی ہوۓ
شمعِ محفل بھی بنا چشتیِ مے خوار ہوا