نیک سیرت پاک طینت حضرتِ بو الفیض ہیں

نیک سیرت پاک طینت حضرتِ بو الفیض ہیں
عاشقِ شمعِ رسالت حضرتِ بو الفیض ہیں

پاسبان ِ اہلِ سنت حضرتِ بو الفیض ہیں
رہبرِ راہِ شریعت حضرت بو الفیض ہیں

راز دارِعلم وحکمت حضرتِ بو الفیض ہیں
مظہرِ صدرِ شریعت حضرتِ بو الفیض ہیں

زندگی سے آ رہی ہے ان کی ہر دم یہ صدا
پیکرِ حق و صداقت حضرتِ بو الفیض ہیں

تھام کے ٹوپی زمانہ کیوں نہ دیکھے آج بھی
جب منارِ علم و حکمت حضرتِ بو الفیض ہیں

ان کے در پہ مانگ لو علمِ شریعت مانگ لو
کر رہے علمی سخاوت حضرتِ بو الفیض ہیں

دھوم ہے بس اس لیےمصباحیوں کی ہر طرف
کر رہے ان پر عنایت حضرتِ بو الفیض ہیں

ڈوبتی کشتی بچانے پر سبھی نے ہے کہا
صاحبِ کشف و کرامت حضرتِ بو الفیض ہیں

کر کے امت کے حوالے نائبینِ مصطفی
دین کی کرتے حفاظت حضرتِ بو الفیض ہیں

اے نوازشؔ مانگ لے ان سے مرادیں مانگ لے
بالیقیں کرتے عنایت حضرتِ بو الفیض ہیں