موجِ گرداب میں جب عشق فسوں کار ہوا

موجِ گرداب میں جب عشق فسوں کار ہوا
چشمِ امواج کا ہر قطرہ پرستار ہوا

لذتِ زہر بھی جب ذوقِ فنا خیز ہوا
تلخیِ جام بھی پھر رشکِ نمک خوار ہوا

ماتمی خاک کے سینے سے اٹھا نالۂ غم
آسماں گوش برآوازِ علم دار ہوا

ذرّہ ذرّہ میں نمو لینے لگی آتشِ جاں
سنگِ بےجان بھی اک آئینہ کردار ہوا

دفترِ دہر کے اوراق ہوۓ خاکستر
تب کہیں حرفِ تمنا سرِ دیوار ہوا

برق نے چاک کیے پیرہنِ خواب تمام
ذرّہ ذرّہ سرِ محراب طلبگار ہوا

زہرِ تقدیر کو جب شوقِ شرابور ملا
لبِ افسردہ بھی پھر شعلہ گفتار ہوا

گردِ حسرت میں چمکتا رہا خورشیدِ نظر
خاکِ صحرائی میں ہر خواب جگر پار ہوا

حلقہ زن ہوگئے ارمان سرِ بزمِ فنا
جب غمِ ہجر کا ہر قطرہ علمدار ہوا

سایۂ وہم نے جب کھینچ دی دیوارِ فراق
راہ در راہ فقط نقشِ غمِ یار ہوا

چشمِ گم گشتہ میں تحلیل ہوا عکسِ وصال
دشتِ امکان میں ہر قطرہ طلب گار ہوا

چاکِ تقدیر کے دامن سے صدا آئی ہے
کون اس راہ میں بے جرم سزاوار ہوا

چند امید کے آتش زدہ خیمے جل کر
خاکِ وحشت کا بھی اک شعلۂ افکار ہوا

موجِ احساس میں لہرایا کوئی رازِ محل
حرفِ سایہ بھی یہاں زیست کا معیار ہوا

بادۂ ہست نے کیوں رنگ چڑھایا چشؔتی
مستیِ جام بھی اب پردۂ دیدار ہوا