داستانِ زندگی ہے ناخوشی آوارگی

داستانِ زندگی ہے ناخوشی آوارگی
گل بداماں زندگی ہے تیرگی آوارگی

بے بسی، حرماں نصیبی، بے کسی آوارگی
دل شکستہ حال، سازِ زندگی آوارگی

عشق کی صحرا نوردی کا فسانہ ختم شد
خوش مزاجی، دل لگی، مشاطگی، آوارگی

خواب ٹوٹے،کرب جاگا،جسم جھلسا،آنکھیں نم
راستے سب اجنبی ہیں ، ہر گلی آوارگی

بے یقینی، بے قراری، اضطرابِ خواب شب
ہے تواتر زخم میں پیچیدگی آوارگی

اب نہ کوئی قیس باقی نہ کوئی لیلیٰ کا رنگ
رہ گیا بس عشق کی دیوانگی آوارگی

زندگی کا ہر ورق تھا اشک کی تحریر میں
سربسر افسردگی ، غم پروری، آوارگی

عشق جب ڈھلنے لگا، چشؔتی، خیالِ یار میں
تب بنی ہر تشنگی، اک شاعری، آوارگی