حضرت عمر فاروق کی عاجزی

     حضرت قیادہ پانی فرماتے ہیں کہ حضرت سید نا عمر فاروق رضی اللہ عنہ فرمایا کرتے تھے کہ اگر میں چاہوں تو میں تم سے اچھا کھانا کھاؤں اور تم سے نرم کپڑے پہنوں لیکن میں اپنے طیبات کو باقی رکھنا چاہتا ہوں اور آخرت میں طیبات کا خواہاں ہوں ۔
     راوی کہتے ہیں کہ حضرت سیدنا عمر فاروق رضی اللہ عنہ ملک شام تشریف لاۓ تو آپ کے سامنے ایسا کھانا پیش کیا گیا جو انہوں نے پہلے بھی نہیں دیکھا تھا ۔ آپ نے دریافت فرمایا کہ یہ میرے لئے ہے اور جو فقراء و مساکین وصال پا چکے ہیں انہوں نے جو کی روٹی سے بھی اپنا پیٹ نہ بھرا ، ان کے لئے جنت ہے ۔
راوی کہتے ہیں یہ فرما کر حضرت سید نا عمر فاروق بے زاروقطار رونے لگے ۔ اور فرمانے لگے ۔ اگر ہمارا حصہ اس متاع دنیا سے ہے اور وہ لوگ جنت میں ہیں تو ان کے اور ہمارے درمیان فاصلہ زیادہ ہو گیا ہے ۔

     ایک مرتبہ حضرت سید نا عمر فاروق نے معمول کے مطابق مدینہ منورہ کی گلیوں میں گشت فرما رہے تھے کہ آپ دوران گشت شہر سے باہر نکل گئے ۔شہر سے باہر آپ نے ایک خیمہ لگا دیکھا جس کے دروازے پر ایک اجنبی شخص نہایت پریشانی کے عالم میں بیٹھا ہوا تھا ۔ آپ نے اس شخص کے پاس جا کر اس شخص کی پریشانی دریافت کی تو اس نے آپ سے بے رخی برتتے ہوئے کہا کہ میاں ! جاؤ تم اپنا کام کروتم کون ہوتے ہو مجھ سے پوچھنے والے ؟ اس دوران حضرت سید نا عمر فاروق نے کسی عورت کے کراہنے کی آواز سنی ۔ آپ نے اس شخص سے کہا کہ تم مجھے بتاؤ تو سہی کہ تمہارے ساتھ کیا معاملہ ہے ؟ اس شخص نے کہا کہ میری بیوی حاملہ ہے اور اس وقت اس کے پاس کوئی عورت موجود ہے اور نہ ہی میرے پاس کچھ سامان موجود ہے ۔ حضرت سید نا عمر فاروق نے اس شخص کی بات سن کر گھر تشریف لے گئے اور اپنی زوجہ حضرت ام کلثوم بنت حضرت سیدناعلی کو ہمراہ لیا اور ساتھ ہی کھانے پینے کا سامان اور دوسرا کچھ سامان لیا اور اس شخص کے پاس پہنچے ۔ آپ کی زوجہ خیمے کے اندر چلی گئیں اور آپ باہر اس شخص کے پاس موجود رہے ۔ جب بچے کی ولادت ہو گئی تو آپ رضی اللہ عنہ نے اس شخص سے فرمایا کہ تم پریشان مت ہونا صبح میرے پاس آنا میں تمہاری مالی مدد بھی کروں گا اور تمہارے بچے کا وظیفہ بھی مقرر کروں گا ۔ اس شخص نے پوچھا کہ آپ کون ہیں ؟ حضرت سیدنا عمر فاروق رضی اللہ عنہ نے فرمایا کہ میں عوام کا خادم عمر ہوں ۔ اس شخص نے جب آپ کا نام سنا تو اسے معلوم ہوا کہ آپ تو امیر المومنین ہیں وہ پریشان ہوا اور معذرت کرنے لگا تو آپ نے فرمایا کہ تمہیں پریشان ہونے کی ضرورت نہیں میں عوام کا خادم ہوں۔