فرض واجب سنت مستحب کا حکم

اس طریقہ میں بعض چیزیں فرض ہیں کہ اس کے بغیر نماز ہوگی ہی نہیں بعض واجب ہیں کہ اس کو قصداً چھوڑ نا گناہ اور نماز کا پھر سے پڑھنا واجب اور بھول کر چھوٹنے سے سجدہ سہو واجب اور بعض سنت ہو کدہ ہیں کہ جس کو چھوڑنے کی عادت گناہ ہے اور بعض مستحب ہیں کہ جس کا کرنا ثواب اور نہ کرنا گناہ نہیں ۔

فرائض نماز

سات چیزیں نماز میں فرض ہیں ۔ 1- تکبیر تحریمہ ۔ یعنی پہلی اللہ اکبر جس سے نماز شروع ہوتی ہے۔ ۲۔ قیام یعنی اتنی دیر کھڑا رہنا جتنی دیر میں فرض قرآت ادا ہو ۔ ۳۔ قرات یعنی کم سے کم ایک آیت پڑھنا۔ ۴۔ رکوع یعنی اتنا جھکنا کہ ہاتھ بڑھائے تو گھٹنے تک پہنچ جائیں۔ ۵- سجود یعنی ماتھے کا زمین پر جمنا اس طرح کہ کم سے کم پاؤں کی ایک انگلی کا پیٹ زمین سے لگا ہو ۔۔ ۶۔ قعدہ اخیرہ یعنی نماز کی رکعتیں پوری کرنے کے بعد اتنی دیر بیٹھنا کہ پوری التحیات رسولہ تک پڑھی جا سکے۔ خروج بصنعہ یعنی قعدہ اخیرہ کے بعد اپنے ارادے سے نماز ختم کر دینا خواہ سلام و کلام سے ہو یا کسی دوسرے عمل سے۔

واجبات نماز

تکبیر تحریمہ میں لفظ اللہ اکبر کہنا پوری الحمد للہ پڑھنا۔ کوئی سورۃ یا تین چھوٹی آیات ملا نا فرض نماز میں دو پہلی رکعتوں میں قرآت واجب ہے۔ الحمد اور اس کے ساتھ سورۃ یا آیت ملانا، فرض کی دو پہلی رکعتوں میں اور نفل اور وتر اور سنت کی ہر رکعت میں سورۃ یا آیت سے پہلے ایک ہی بار الحمد پڑھنا۔ الحمد اور سورت کے درمیان آمین اور بسم اللہ کے سوا کچھ اور نہ پڑھنا۔ قرآت ختم کر کے فورا رکوع کرنا ایک سجدہ کے بعد دوسرا سجدہ ہونا کہ دونوں سجدوں کے بیچ کوئی رکن نہ آنے پائے۔ تعدیل ارکان یعنی رکوع سجود قومہ جلسہ میں کم سے کم ایک بار سبحان اللہ کے برابر ٹھہر نا قومہ یعنی رکوع سے سیدھا کھڑا ہو جانا ۔ سجدہ میں ہر پاؤں کی تین تین انگلیوں کے پیٹ زمین پر لگنا جلسہ یعنی دو سجدوں کے درمیان سیدھا بیٹھنا قعدہ اولی اگر چه نماز نفل ہو ۔ فرض اور وتر اور سنن رواتب میں قعدہ اولی میں تشہد پر کچھ نہ بڑھانا ۔ دونوں قعدوں میں پورا تشہد پڑھنا یوں ہی جتنے قعدے کرنے پڑیں سب میں پورا تشہد واجب ہے۔ ایک لفظ بھی اگر چھوڑے گا تو ترک واجب ہوگا۔ دونوں سلام میں فقط لفظ السلام واجب ہے علیکم ورحمتہ اللہ واجب نہیں۔ وتر میں دعائے قنوت پڑھنا ۔ تکبیر قنوت عیدین کی چھیوں تکبیریں عیدین میں دوسری رکعت کی تکبیر رکوع اور اس تکبیر کے لئے لفظ اللہ اکبر ہونا ہر جہری نماز میں امام کو جہر سے قرآت کرنا اور غیر جبری میں آہستہ ہر فرض و واجب کا اس کی جگہ پر ادا ہونا رکوع کا ہر رکعت میں ایک ہی بار ہونا اور سجود کا دو ہی بار ہونا ۔ دوسری رکعت کے پہلے قعدہ نہ کرنا اور چار رکعت والی میں تیسری پر قعدہ نہ ہوتا آیت سجدہ پڑھی ہو تو سجدہ تلاوت کرنا ۔ سہو ہوا ہو تو سجدہ سہو کرنا۔ دو فرض یا دو واجب یا واجب و فرض کے درمیان تین بار سبحان اللہ کہنا کے برابر دیر نہ ہونا۔ امام جب قرآت کرے بلند آواز سے ہو یا آہستہ اس وقت مقتدی کا چپ رہتا۔ سوا قرآت کے تمام واجبات میں امام کی پیروی کرتا۔ فرائض و اجبات کے علاوہ جو باتیں طریقہ نماز میں بیان ہوئیں وہ یا سنت ہیں یا مستحب ہیں۔ ان کو قصدا نہ چھوڑا جائے اور اگر غلطی سے چھوٹ جائیں تو نہ سجدہ سہو کرنے کی ضرورت ہے نہ نماز دہرانے کی اگر دہرالے تو اچھا ہے اگر سنن و مستحبات کی پوری تفصیل معلوم کرنا چاہیں تو بہار شریعت و فتاوی رضویہ ملاحظہ کریں ہم نے بلحاظ اختصار و سہولت حفظ یہاں ذکر نہیں کیا۔